Prusisyon

Walang uhaw ang mga halimaw
sa paglamon ng mga makasalanan
upang maging hapunan. Dahan-dahan

isinisiksik sa masisikip na bunganga
sa paglamon ng mga makasalanan
hanggang masaid. Hanggang mabulunan

at manatiling nakabuka na lamang
pawisan, nakatiwangwang, balot
ng hinaing at poot, hinahablot

ang mga nakalimbiting rosaryo’t
mga balikong nagkikibit-balikat.
Walang uhaw ang mga halimaw.

Hindi maaaring gamitin ang gabi
upang maging hapunan. Dahan-dahan
ang paglamon ng oras sa pagsisisi

at pag-inda ng parusa, at pag-amin:
ginusto namin ang paghihirap.
Sa paglamon ng mga makasalanan

kinakailangang may mailuwang
dalamhati bago tuluyang mapatawad
sapagkat pauwi pa lang ang lahat.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s